SERIKALI YAFUTA RASMI WAKALA WA UKAGUZI WA MADINI (TMAA)

Bunge limepitisha sheria mpya ambayo sasa itatambua haki na dhamana ya serikali katika makinikia ambayo itakuwa ni marufuku kuchenjuliwa nje ya nchi na serikali itashiriki kwa asilimia kuanzia 16 hadi 50 katika shughuli zote za uchimbaji, uchakataji na uchejuaji madini na ununuzi wa hisa katika kampuni ya uchimbaji madini.

Aidha, Wakala wa Ukaguzi wa Madini (TMAA) umefutwa rasmi na sasa kunaanzishwa Kamisheni ya Madini, na kwamba kuanzia sasa umiliki wa leseni mbalimbali zinazotolewa kwa mujibu wa Sheria ya Madini, hautahamishwa kabla haujafanyiwa uendelezaji katika kitalu husika.

Akielezea mapendekezo ya Muswada wa Sheria ya Marekebisho ya Sheria Mbalimbali wa Mwaka 2017 katika Sheria ya Madini ya Mwaka 2010, Waziri wa Katiba na Sheria, Profesa Palamagamba Kabudi alisema asilimia hizo za hisa ni kwa kuangalia thamani ya gharama ambazo serikali inahamia katika vituo vya uwekezaji na kodi aliyopewa mwekezaji.

Profesa Kabudi alisema muswada huo pia unatambua haki na dhamana ya serikali juu ya makinikia na kuweka utaratibu wa kuyahifadhi sehemu maalumu migodini chini ya uangalizi wa serikali.

“Kupitia marekebisho hayo, makinikia yanayotolewa nchini bila kufanyiwa uchunguzi wa kupata thamani halisi kabla ya kuchenjuliwa na uchenjuaji utafanyika nchini. Kuanzia sasa makinikia hayatauzwa nje ya nchi, yatauzwa kwenda kwa wachenjuaji wa ndani ya nchi yakiwa ni bidhaa ambayo itatozwa kodi,” alifafanua.

Alisema pia muswada unaipa serikali haki na dhamana juu ya usimamizi wa bidhaa zote na maliasili, zinazotokana na uchimbaji, uchakataji na uchejuaji wa madini yakiwamo makinikia au kwa jina maarufu mchanga wa dhahabu.

Aidha, alisema muswada umelenga kutambua na kuweka chini ya uangalizi wa serikali maeneo yote ya uchimbaji na madini kwa lengo la kuweka ulinzi na usimamizi madhubuti wa madini kwa lengo la kuweka ulinzi na usimamizi madhubuti wa maeneo ya uchimbaji.

“Hii itasaidia kuwepo ulinzimahsusi wa maeneo yote ya uchimbaji wa madini, kuwepo kwa utaratibu wa serikali kufanya ukaguzi na udhibiti wa usambazaji wa madini, kuipa serikali uwezo wa kudhibiti na kutambua viwango vya madini yote yanayotolewa kwenye maeneo ya migodi na kupitia vyombo vya ulinzi na usalama vya serikali,”alieleza.

TMAA yazikwa rasmi

Alieleza kuwa kufutwa kwa TMAA kunatokana na majukumu yake, yaliyokuwa yakitekelezwa na wakala huyo kuhamishiwa kwa Kamisheni ya Madini ambayo itaanzishwa.

Akiwasilisha muswada huo, Profesa Kabudi alisema kutokana na kufanyiwa mapitio ya madaraka ya Waziri na Kamishna wa Madini kwa lengo la kuwapunguza baadhi ya majukumu na madaraka yatahamishiwa kwa Kamisheni ya Madini.

Alisema kamisheni inayopendekezwa kuanzishwa itakuwa na jumla ya makamishina tisa, na watu kati yao akiwamo Mwenyekiti watakuwa wa kudumu.

“Watashirikiana na watendaji wakuu kutekeleza majukumu yao ya Kamisheni ya kila siku, makamishna wengine watakuwa wa muda na watakutana katika vikao maalumu vya kamisheni kwa ajili ya kufanya maamuzi ya misingi na kufuatilia utekelezaji wake,” alifafanua na kuongeza kuwa makamishina wa muda watateuliwa kutokana na nafasi zao ambao ni Katibu Mkuu Hazina, Katibu Mkuu Tamisemi, Naibu Mwanasheria Mkuu wa Serikali, Katibu Mkuu wa Ulinzi na Katibu Mkuu Ardhi.

“Kamisheni inayopendekezwa kuundwa itachukua majukumu sehemu kubwa ya majukumu ya Kamishna wa Madini kwa sasa. Majukumu hayo ni pamoja na kutoa, kuhuisha au pale itakapolazimika kufuta leseni zote zinazotolewa kwa mujibu wa sheria ya madini, kusimamia shughuli za madini ikiwa ni pamoja na kufanya ukaguzi maeneo ya migodi.

“Pia majukumu yote yaliyokuwa yakitekelezwa na TMAA yatahamishiwa na kuwekwa chini ya Kamishna. Na kwa msingi huu TMAA inafutwa,” alibainisha.

Umiliki wa leseni 

Kuhusu kutohamisha leseni, alisema hatua hiyo ni katika kuzuia watu kufanya biashara ya udalali wa leseni.

“Katika kuweka masharti yanayokusudia kuzuia watu kufanya biashara ya udalali wa leseni mbalimbali zinazotolewa kwa mujibu wa sheria ya madini, mmiliki wa leseni hataruhusiwa kuhamisha umiliki wa leseni kabla ya uendelezaji katka kitalu husika,” alieleza.

Aliongeza, “baada ya kumalizika kwa muda wake, leseni itahuishwa kwa kipindi kimoja tu, na baada ya hapo umiliki wa kitalu husika utarejeshwa serikalini.”

Chanzo: Mtaakwamtaa

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2sM0hZS
via IFTTT

CUF ya Maalim Seif Wajiapia Kufa na Chama..Watoa Tamko Zito Juu ya Lipumba..!!

VIONGOZI na wanachama wa CUF wakiongozwa na Mwenyekiti wa Jumuiya ya Wanawake wa chama hicho (JUKECUF), Fatma Fereji wamesema wapo tayari kukabiliana na njama ovu dhidi ya chama hicho na kwamba watakilinda kwa gharama zozote zile.

Wanachama hao waliyasema hayo wakati wa ziara ya Katibu Mkuu, Maalim Seif Sharif Hamad, ambaye alikuwa katika ziara ya siku 10 katika kisiwa cha Unguja.

Taarifa iliyotolewa na Naibu Mkurugenzi Habari Uenezi na Mahusiano, Mbarala Maharagande ilibainisha kuwa uamuzi huo umetolewa na wana CUF ikiwa ni kutambua mchango wa katibu mkuu wao katika kujenga chama.

Alisema katibu mkuu huyo amekuwa akifanya ziara katika Kisiwa cha Unguja kuanzia Aprili mosi mwaka huu ziara ambayo imekuwa na mafanikio makubwa.

Maharagande alisema wazo hilo la kujitolea kulinda chama lilitolewa na wanachama wakati Maalim Seif akifanya kikao cha majumuisho na tathmini katika ofisi ya CUF iliyoko Kilimahewa Wilaya ya Mjini-Unguja.

“Ziara hiyo imepata mafanikio makubwa na kufikia malengo yaliyowekwa na Kamati ya Utendaji ya Taifa ya CUF. Miongoni mwa kazi alizofanya katika ziara hiyo ni pamoja na kukabidhi majukumu kwa waratibu wa chama, ambapo jumla ya waratibu 4,727 walipatikana na ndipo uamuzi wa kukitolea ulitokea,” alisema.

Aidha, alisema katika ziara hiyo Maalim Seif aliweka mawe ya msingi katika maeneo sita, Baraza 14, majengo sita, na kukabidhiwa viwanja viwili kwa ajili ya ujenzi wa Ofisi za Chama.

Naibu mkurugenzi huyo alisema ziara hiyo ilifanikisha kupatikana wanachama wapya 591 kati yao wanachama 124 walitoka CCM.

Alisema katika kuhitimisha ziara hiyo, chama kiliwapatia nishani maalum wanawake saba walio mstari wa mbele katika kutumia rasilimali zao kwa ajili ya chama.

Katika hatua nyingine, Mahagande alisema wabunge wa CUF wameendelea na ziara za kuimarisha chama katika wilaya mbalimbali ikiwa ni sehemu ya utaratibu waliojiwekea kila wiki wakiwa bungeni Dodoma.

Aliwataja baadhi ya wabunge ambao walifanya ziara katika Wilaya ya Kondoa kuwa ni Masoud Abdallah Salim (Mtambile), Saumu Sakala (Viti Maalum), Twahir Awezu Mohamed (Mkoani), Juma Kombo Hamad (Wingwi), Mbarouk Salim Ali (Wete) na Mussa Mbarouk (Tanga).

Alisema wabunge hao wakiwa Kondoa walikutana na kufanya vikao na viongozi wa kata, wajumbe wa kamati ya utendaji wilaya pamoja na madiwani wa CUF na kuweka ratiba ya kuwafikia wanachama wengi zaidi.

Alisema wilaya na mikoani itakayofikiwa hivi karibuni ni pamoja na Morogoro Mjini, Tanga, Pangani, Shinyanga, Nyamagana, Ilemela-Mwanza, Lindi na Tabora.

Halikadhalika Mahagande alisema shauri la msingi namba 23/2016 lililopo kwa Jaji Kihiyo dhidi ya Msajili Jaji Francis Mutungi, Mwanasheria Mkuu wa Serikali, Profesa Ibrahim Lipumba na wenzake limepangwa kutajwa tena Aprili 24 mwaka huu.

Aidha, alisema shauri la wizi wa fedha za ruzuku limepangwa kusikilizwa Aprili 20 mwaka huu kuhusu zuio la Lipumba na wenzake kupewa fedha za ruzuku na Aprili 24 mwaka huu shauri la msingi mbele ya Jaji Dyansobera.

from Blogger http://ift.tt/2oYq2ba
via IFTTT

Diamond Afafanua Sababu za Kuachia Wimbo ‘Acha Nikae Kimya’ Uliogusia Suala la Roma

Diamond Platnumz ameachia wimbo wake mpya kwa kushtukiza uitwao ‘Acha Nikae Kimya.’ Wimbo unazungumzia masuala mengi yanayotokea sasa ikiwemo hofu iliyotanda baada ya Roma na wenzie kutekwa.

Wimbo huo hata hivyo umepokelewa kwa hisia tofauti.

Hizi ni sababu zake kwanini ameamua kuuachia:

Ili Nchi ipate maendeleo inahitaji Upendo na Ushirikiano wa Wananchi na Serikali..Na Nikiwa kama Msanii, jukumu langu ni kuhakikisha natumia Hekma na busara kukemea jambo nilionalo haliko sawa ili lirekebishwe, lakini pia panapokuwa hakuna maelewano jukumu langu pia ni kupatanisha ili kwa pamoja tujenge nchi yetu kusudi wazazi wetu, watoto pamoja na familia zetu waishi kwa Upendo Amani na kufurahia nchi yetu…Na ndiomaana kwenye nyimbo nakwambia “MI NA WEWE WA TAIFA MOJA…KAMBARAGE BABA MMOJA….SASA TOFAUTI ZA NINI TUSHIKAMANE TUKAIJENGE TANZANIA”… Unatakiwa utambue kuwa kila kiongozi ni Binadamu na kama wote tujuavyo, Binadamu hatujakamilika… hivyo katika nchi yoyote lazma wakati mwingine kuna jambo linaweza likawa haliko sawa, ila sisi kama wananchi tunatakiwa tutumie Hekima na Busara kwenye kufikisha ujumbe ama hoja zetu ili viongozi walieke sawa…Busara na Hekima itafanya viongozi watuelewe kirahisi na pengine mengi tuyatakayo tutimiziwe kirahisi… mfano mzuri, juzijuzi kupitia kipindi cha Clouds360 cha clouds Tv nlipopata bahati ya kuongea na Mh Raisi nilimuomba atufungulie Mabanda ya Chipsi na Bodaboda ziruhusiwe kufanyakazi hadi asubuhi maana zilikuwa nwisho saa 4 ama 5 usiku…kwakuwa nilitumia Hekima na busara kwenye Kufikisha hoja ama Ombi langu..alikubali na tukapewa ruksa na sasa hivi maeneo mengi ya Chipsi na Bodaboda yanafanya kazi hadi usiku mnene… hivyo tusikubali tu kulishwa Sumu za kuleta ugomvi kati yetu wenyewe kwa wenyewe eti Mara Tutukane mara sijui fanyeni hiki, wakati hata baadhi ya wanaochochea mambo hayo hawaishi Tanzania wanaishi Ulaya / Marekani / kifupi nje ya nchi…ikija kutokea bahati mbaya kimenuka wao watakuwa wanakula kuku kwa mrija huko walipo…halafu sisi na familia zetu ndio tutateseka na kuhaha kunusuru roho zetu usiku kucha.. Hatutaki makelele ya Uchonganishi mitandaoni, kama mtu kweli anauchungu na nchi na kweli akisemacho anamaanisha aje, na kwa pamoja twende sehemu husika kupeleka malalamiko sio kukaa kitandani kupost kuchochea Ugomvi kumbe anatuchora na kutufanya kama sie mataahira wake, anatupeleka mara kushoto mara kulia… Akikaa pekeake anatucheka kuwa sie wajinga wake katueka mkononi…

from Blogger http://ift.tt/2pdeY6X
via IFTTT

Kamanda Sirro Kukutana na Wasanii Jumamosi hii Kutoa Taarifa za Roma na Wenzie..!!!

Kamanda wa polisi kanda maalum ya Dar es Salaam, Simon Sirro, Jumamosi hii atakutana na wasanii kuwaeleza taarifa ya jeshi hilo kuhusiana na kupotea kwa rapper Roma Mkatoliki na wengine waliotekwa na watu wasiojulikana usiku wa Jumatano katika studio za Tongwe Records.

Katika mkutano na waandishi wa habari Ijumaa hii, Katibu Mkuu wa chama cha wasanii wa kizazi kipya, TUMA, Samweli Andrew Mbwana maarufu kama Brighton amesema amefanikiwa kuongea na Kamanda Sirro Ijumaa hii.

“Yeye [Sirro] ametusisitiza kwamba tuendelee kuwa na uvumilivu hili suala wao wanalishughulikia, na bahati nzuri wao kama polisi wameshapata taarifa zetu, wameshafungua jalada,” amesema Brighton.

“Simon Sirro ametuhakikishia hilo, yuko na chombo, ameunda chombo maalum katika kuhakikisha kwamba hawa ndugu zetu wanapatikana salama. Na vile vile ametuahidi kesho saa tano na nusu wote kwa umoja wetu, wasanii pamoja na ndugu zetu waandishi wa habari tufike ofisini kwake pale ataweza kutupa taarifa ya hali inavyokwenda na wapi amefikia kama amewapata ama kuna taarifa yoyote kuhusu wao ambao wamepotea,” ameongeza.

Brighton ameiomba jamii kuwaunga mkono wasanii hao kuhakikisha Roma na wenzake wanapatikana wakiwa salama. Wengine waliopotea ni rapper Moni Centrozone, producer wa Tongwe Bin Laden wengine watatu.

from Blogger http://ift.tt/2oTbV4h
via IFTTT

Kumekuchaaa..Makamu wa Rais wa TLS Akamatwa na Polisi Shinyanga..!!!!

Makamu wa Rais a chama cha wanasheria Tanganyika (TLS), Wakili Godwin Ngwilimi amekamatwa na polisi huko mkoani Shinyanga na anashikiliwa katika kituo kikuu cha polisi mkoani humo.

Taarifa iliyotolewa na Rais wa TLS Mhe.Tundu Lissu ni kwamba Ngwilimi akiwa katika gari yake alisimamishwa na askari aliyekua kavaa kiraia, akitaka kukagua gari yake.

Ngwilimi alimtaka Askari huyo ajitambulishe kwanza kwa kutoa kitambulisho cha kazi kabla ya upekuzi. Lakini badala ya kujitambulisha alimzuia Ngwilimi na kumuelekeza kituo kikuu cha polisi Shinyanga ambapo anashikiliwa hadi sasa.

from Blogger http://ift.tt/2oQhL5K
via IFTTT