Barua ya wazi ya Alves kwenda Juve, asisitiza hachezi kwa ajili ya pesa

Tayari klabu ya Juventus imethibitisha kwamba hawatakuwa na Dani Alves katika msimu ujao wa ligi baada ya mlinzi huyo kuamua kutorndelea kukukipiga katika klabu hiyo ya Italia.

Tayari timu mbalimbali zimesanza kuwinda saini ya Alaves lakini Manchester City wanaonekana wako karibu zaidi kumsajili mlinzi huyo wa kimataifa wa Brazil.

Baada ya Alves kusema kwamba hataendelea Juventus, mashabiki wengi walimshambulia kuwa na tamaa ya pesa, na sasa Alves ameibuka na kuandika ujumbe wa majonzi kuiaga Juventus.

“Nawashukuru sana mashabiki wa Juventus walioishi na mimi mwaka mzima na kunipa support kama mchezaji wao katika timu hii inayochukua makombe na kucheza fainali” alianza kuandika Alves.

“Kwa heshima ya klabu hii nilijitoa sana na kupambana sana ili kuifanya klabu hii kuwa klabu kubwa zaidi ulimwenguni na hii ilitokana na kupafurahia hapa”

“Naomba msamaha sana mashabiki wa Juventus kwa kama kuna siku niliwakosea lakini sikuwahi kukusudia kufanya hivyo, hakuna mwanadamu aliyeko sawa lakini lakini sikuwahi kukusudia kuwaudhi”

“Sichezi mpira kwa sababu ya pesa kama inavyodaiwa bali nacheza mpira kwa sababu naupenda mpira na watu wake,nawaachia ninyi munihukumu kwa kazi niliyowatendea” alimalizia Alves.

Alves pia alimshukuru CEO wa Juventus Beppe Marrota ambaye ndiye ametoa ruhusa kwa Alves kuondoka katika klabu hiyo mabingwa wa Serie A.

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2toB6QX
via IFTTT

Steve Nyerere, Faiza Wazungumzia Kifo Cha Ivan Don

Waigizaji kutoka Bongo Movie, Steve Nyerere na Faiza Ally kwa nyakati tofauti wamezungumzia kifo cha aliyekuwa mume wa zamani wa Zari ‘Ivan’ aliyefariki hapo jana.

Waigizaji hao kila mmoja amedai amejifunza kitu kutoka katika maisha ya Ivan.

Steve Nyerere ameandika,

“Alikuwa na pesa nyingi, alikuwa na uwezo wa kufanya chochote, alikuwa na uwezo wa kununua chochote lakini ameshindwa kununua uhai. Nimejifunza kitu kupitia wewe, tuishi vizuri na watu maana hakuna ajuaye kesho,”.

Kwa upande wake Faiza Ally ameandika ujumbe mrefu usemao,

“Binaadamu akikuchukia hata zuri kwake ni baya na ndio maana huwa na maisha yangu tu kama mimi bila kutaka kuwa yoyote, hakuna zuri mbele ya mtu mbaya. Unajua nini wala sijali naona upuuzi tu kama ya kipuuzi mengine yote yalio pita..Maisha yangu na wanangu yako kwenye mikono salama hata kushinda mikono yangu, yako kwenye mikono ya Mungu mwingi wa rehma. Leo Ivan na matajiri wengine wako wapi? Mali sio kila kitu kwenye maisha yetu tunahitaji amani, mapenzi, maelewano makubaliano.

Nimetoka kwenye kutokua na mlo mpaka sasa namiliki milo, huo ni utajiri mkubwa maana kwanza ni kushiba akili ikae sawa ndio upange habari zingine, so at the end my heart is pure and that what give me amani ya moyo, hayo mengineyo tena yako nje ya uwezo wangu ni mipango ya Mungu”

from Blogger http://ift.tt/2r77nsM
via IFTTT

CCM Wamteua DR Gertrude Rwakatare Kuchukua Nafasi ya Sophia Simba Aliyefukuzwa

Mchungaji Dkt. Getrude Rwakatare ameteuliwa kuwa Mbunge Viti Maalumu(CCM) kuchukua nafasi ya Sophia Simba aliyefukuzwa uanachama.

Ikumbukwe kuwa kwa mara ya kwanza Mchungaji Rwakatare alipata nafasi kama hii katika Bunge lililopita.

Uteuzi huu umekuja baada ya Spika wa Bunge kuiandikia barua ofisi ya Tume ya Taifa ya Uchaguzi(NEC) na kuiarifu juu ya uwepo wa nafasi ya Ubunge Maalum kwa upande wa Chama Cha Mapinduzi(CCM) baada ya Sophia Simba kupoteza sifa za kuwa Mbunge baada ya kuvuliwa uanachama.

from Blogger http://ift.tt/2plPzc9
via IFTTT

TRA Waja na Mbinu Mpya ya Kuwabana Wakwepa Kodi Kupitia Mashine ya EFD…!!!

MAMLAKA ya Mapato Tanzania (TRA), imeendelea kuwabana wala rushwa na wanaoghushi risiti za ukusanyaji maduhuli kwa kuboresha mfumo wa kieletroniki wa utumiaji wa mashine za (EFD) utakaowezesha miamala na risiti kuwa na saini za kieletroniki.

Kaimu Kamishna Mkuu wa TRA, Neema Mrema, aliyasema hayo jana jijini Dar es Salaam wakati akifungua mafunzo kwa ajili ya taasisi na mashirika ya umma.

Mrema alisema hivi karibuni mawakala wa mashine za kieletroniki za kutumia risiti watawafungia mfumo huo taasisi na mashirika hayo ili wakusanye maduhuli kupitia mashine hizo.

Aidha, alisema TRA imefanya mabadiliko katika mfumo wa usimamizi wa matumizi ya mashine za kieletroniki za utoaji risiti (EFDMS) pamoja na mashine za EFD ili kupunguza gharama kwa serikali.

Alisema mfumo huo wa kielektroniki utaipunguzia serikali gharama za kununua mashine halisi kwa kuwa umeunganishwa na mfumo wa kuhifadhi taarifa wa TRA.

“Una usalama wa hali ya juu kwani miamala na risiti zote itakuwa na saini ya kieletroniki … hivyo kunapunguza uwezekano wa kughushi risiti kutoka kwenye mashine ambazo hazijasajiliwa na mfumo wa TRA,” alisema.

Pia alisema mfumo huo ni wa kiintelejensia kutokana na kuwa na uwezo wa kutambua hati ya mauzo kwa mkopo, marejesho ya mauzo, risiti halali na za kudurufu.

Kadhalika, alisema mfumo huo ni rafiki na unaweza kuunganishwa na mifumo mingine kama ya ankara, mauzo na stakabadhi kwa kufanya mabadiliko machache na una ruhusu matumizi ya fedha mbalimbali.

Aliongeza kuwa mfumo huo ni wa uwazi kwa sababu ukomo wa kila risiti unahakikiwa na una uwezo wa kutambua huduma kama imetolewa au la.

Kuhusu kodi ya zuio iliyofanyiwa marekebisho mwaka 2013, kamishna huyo alisema imekuwa na changamoto kwa idara na taasisi za serikali kutokana na wahusika kukosa uelewa wa kutosha wa utozaji wa kodi husika.

“Kumekuwa na mkanganyiko kati ya utozaji wa kodi ya zuio ya asilimia mbili katika usambazaji wa bidhaa kwa Idara na taasisi za serikali zinazotegemea bajeti ya serikali kuu kwa asilimia 100 na ile ya asilimia tano kwa huduma,” alisema.

Alisema kupitia mafunzo hayo washiriki wataelimishwa kuhusu mabadiliko ya sheria fedha ya mwaka 2016, sheria ya kodi ya ongezeko la thamani ya mwaka 2014, kodi ya zuio katika bidhaa na huduma na mfumo huo wa ukusanyaji maduhuli.

Mkurugenzi wa Huduma na Elimu kwa Mlipa Kodi TRA, Richard Kayombo, alisema utumiaji wa risiti za kawaida umekuwa ukitoa mianya ya upoteaji wa mapato hivyo kupitia mafunzo hayo wanaamini washiriki watatambua wajibu wao katika kuhakikisha makusanyo yanaongezeka.

Mhasibu Mwandamizi kutoka Bodi ya Sukari Tanzania, Devotha Sanga, alitaja changamoto wanazokumbana nazo kuwa ni kushindwa kutambua viwango vinavyotakiwa kutozwa kwa mtu binafsi au kampuni kupitia kodi ya zuio ni asilimia ngapi.

Pia alisema katika kodi ya ongezeko la thamani kumekuwa na changamoto ya risiti za kughushi ambazo wanashindwa kuzitambua.

from Blogger http://ift.tt/2pi9YSb
via IFTTT